1 முதல் 9–ம் வகுப்பு வரை 3–ம் பருவ பாடப்புத்தகம் மாணவர்களுக்கு வினியோகம்
கிறிஸ்துமஸ், புத்தாண்டு விடுமுறைக்கு பிறகு அனைத்து பள்ளிகளும் நேற்று திறக்கப்பட்டன. மழை வெள்ளப்பாதிப்பில் அரையாண்டு தேர்வு ஒத்தி வைக்கப்பட்டுள்ளன. வருகிற 11–ந்தேதி முதல் அரையாண்டு தேர்வுகள் நடைபெற உள்ளன.அரையாண்டு தேர்வு நடைபெறாத நிலையிலும் மாணவர்களுக்கு வழக்கமாக விட வேண்டிய பண்டிகை கால விடுமுறையை பள்ளிக் கல்விதுறை அளித்தது. விடுமுறை நாட்களில் 10 மற்றும் 12–ம் வகுப்பு மாணவ–மாணவிகளுக்கு மட்டும் சிறப்பு வகுப்புகள் நடத்தப்பட்டன.வேலை நாட்கள் குறைவாக இருப்பதால் அந்தந்த பள்ளி தலைமை ஆசிரியர்கள் விருப்பத்திற்கு ஏற்ப கூடுதல் வகுப்பு நேரம், சிறப்பு வகுப்பு நடத்தி பாடத்திட்டங்களை நடத்தி முடிக்க அறிவுறுத்தப்பட்டுள்ளது. வெள்ளம் பாதித்த சென்னை, திருவள்ளூர், காஞ்சிபுரம், கடலூர் ஆகிய 4 மாவட்டங்களில் பொதுத் தேர்வு எழுதும் மாணவர்களுக்கு கற்றல் கையேடு வழங்கப்பட்டு வருகின்றன.மாணவ–மாணவிகள் தேர்வில் எளிதாக தேர்ச்சி பெற வசதியாக இந்த கையேடு தயாரிக்கப்பட்டு முதல்–அமைச்சர் ஜெயலலிதா வழங்கி தொடங்கி வைத்தார். 10 லட்சம் கற்றல் கையேடுகள் பாடவாரியாக தயாரிக்கப்பட்டு மாணவ–மாணவிகளுக்கு வழங்கப்பட்டு வருகின்றன. அரசு மற்றும் அரசு உதவி பெறும் மாணவ–மாணவிகளுக்கு இலவசமாக வழங்கப்படுகிறது.விடுமுறைக்கு பிறகு பள்ளிகள் நேற்று திறக்கப்பட்டதும் மாணவர்களுக்கு 3–ம் பருவ பாடப் புத்தகங்கள் வழங்கப்பட்டன. 1 முதல் 9–ம் வகுப்பு வரை வழங்கும் மாணவ–மாணவிகளுக்கு பருவமுறை கல்வி நடைமுறையில் உள்ளது. 2 பருவம் முடிந்து 3–வது பருவம் இன்று தொடங்கியது.இறுதி பருவமான 3–ம் பருவத்திற்கு தேவையான பாடப்புத்தகங்கள் அனைத்து மாவட்டங்களிலும் அரசு மற்றும் அரசு உதவி பெறும் பள்ளிகளில் நேற்று வழங்கப்பட்டன. இதற்காக ஒரு கோடியே 25 லட்சத்து 800 புத்தகங்கள் அச்சடிக்கப்பட்டு தமிழகம் முழுவதும் உள்ள அரசு பள்ளிகளுக்கு வினியோகிக்கப்பட்டுள்ளது. சிறுபான்மையினர் பள்ளிகளுக்கு 62,300 பாட புத்தகங்களும், 81 லட்சத்து 9 ஆயிரத்து 500 3–ம் பருவபாடப் புத்தகங்கள் விற்பனைக்காகவும் அனுப்பப்பட்டுள்ளன. மொத்தம் 2 கோடியே 6 லட்சத்து 72 ஆயிரத்து 600 பாடப்புத்தகங்கள் தயாரிக்கப்பட்டு வழங்கப்பட்டுள்ளதாக பள்ளிக்கல்வி
No comments:
Post a Comment